1 Star2 Stars3 Stars4 Stars5 Stars (No Ratings Yet)
Загрузка...
200 views

Харбалаах-ыччат романтиката

Балаҕан ыйын 19 күнүгэр Харбалаахтааҕы олохтоох библиотека Н.Е. Мординов — Амма Аччыгыйа аатынан Харбалаахтааҕы үөрэхтээһин холбоһугун 1 куурсун устудьуоннарыгар үгэскэ кубулуйбут «Харбалаах-ыччат романтиката» диэн ааттаах билсиһии чааһын ыытта. Республикабыт араас муннугуттан орто анал үөрэҕи баһылыы кэлбит оҕолор биһиги нэһилиэкпит историятын, сайдыытын, уратытын, биллэр-көстөр дьонун туһунан билсиэхтээх диэн сыалтан сыл ахсын  ыытыллар. Нэһилиэкпит интэриэһинэй историятын, араас бэлиэ сирдэрин туһунан устудьуоннар олус сэҥээрэн иһиттилэр, көрдүлэр. Урукку кэмнэртэн, 18 нүөмэрдээх СПТУ  саҕаттан араас дойдуттан кэлэн үөрэнэр устудьуон оҕолор аналларын көрсөн, Харбалаахха олохсуйан хаалбыттара, ис сүрэхтэринэн олорор бөһүөлэктэрэ тупсарын, сайдарын туьугар улэлии сылдьаллара  устудьуоннарга холобур буолар. Харбалаахпыт туһунан кэпсиир элбэх матырыйааллаах быыстапка тэриллибитэ, проектор нөҥүө презентациянан ытык-бэлиэ сирдэри билиһиннэрии оҥоһуллубута. Түмүккэ устудьуоннары ааҕыы эйгэтигэр ыҥыран, библиотекаҕа үөрэ-көтө көрсөрбүтүн биллэрбиппит.

Добавить комментарий

Ваш адрес email не будет опубликован. Обязательные поля помечены *