1 Star2 Stars3 Stars4 Stars5 Stars (No Ratings Yet)
Загрузка...
181 views

«Үлэни өрө тутан» П.Г. Колотинскай айымньыларын ырытыы күрэҕин түмүгэ

Ыам ыйын 13 күнүгэр «Үлэни өрө тутан» диэн ааттаах улуус бочуоттаах олохтоо5о, тыыл уонна педагогическай үлэ бэтэрээнэ Петр Гаврильевич Колотинскай төрөөбүтэ 95 сылынан хоһооннорун, айымньыларын ырытыы улуустааҕы күрэҕин олохтоох библиотека, бырааттыы Мординовтар ааттарын сугэр музей, оҕолоро, сиэннэрэ тэрийэн ыыттылар. Чычымахтан 5 кыттааччы зуум нөҥүө киирэн үлэлэрин билиһиннэрдилэр. Харбалаах үөрэнээччилэрэ дьүүллүүр сүбэ иннигэр кэпсээтилэр. Тэрээһини олохтоох библиотека үлэһитэ Акулина Атосьевна иилээн- саҕалаан ыытта, бырааттыы Мординовтар музей үлэһитэ Сардана Александровна Петр Гаврильевич олоҕун, үлэтин туһунан билиһиннэрдэ. Дьүүллүүр сүбэҕэ П.Г. Колотинскай кыргыттара: РСФСР үөрэҕириитин туйгуна Августина Петровна Кулачикова- дьүүллүүр сүбэ председателэ, СР үөрэҕириитин туйгуна Татьяна Петровна Мессеева, үлэ бэтэрээнэ, бастыҥ общественник Светлана Петровна Винокурова, бырааттыы Мординовтар ааттарын сүгэр түмэл үлэһитэ Сардана Александровна Васильева, СР үтүөлээх учуутала, Н.Е. Мординов — Амма Аччыгыйын аатынан ХОК саха тылын уонна литературатын учуутала Валентина Семеновна Кривошапкина үлэлээтилэр. Оҕолор сүрдээҕин ааҕан, чинчийэн дакылаат суруйбуттарын дьүүллүүр сүбэ бэлиэтээтэ. Түмүккэ маҥнайгы миэстэни Бястинов Айсен, 8 кыл. ХОК; Спиридонов Миша 8 кыл. ХОК; 2-с миэстэни Иванов Сайаан, 8 кыл. ХОК; Канаева Лиза, 8 кыл. ЧСОШ; 3-с миэстэни Чычымахтан Капылов Мичил, уонна Попов Мичил ылан, 5, 3, 1 тыһыынча харчынан бириэмийэ туттулар. Атын кыттыбыт үөрэнээччилэр «Биһирэбили» кытта харчынан бэлиэтэннилэр. Маны барытын Петр Гаврильевич оҕолоро, сиэннэрэ үбүлээтилэр. Колотинскайдар дьиэ кэргэн аҕаларын сырдык аатын үйэтитэр араас тэрээһиннэри ыыталлара үгэскэ кубулуйан, тиһигин быспакка ситимнээхтик барар.

                                   

Добавить комментарий

Ваш адрес email не будет опубликован. Обязательные поля помечены *