Николай Егорович Мординов-Амма Аччыгыйа 119 сааһыгар аналлаах, Харбалаахтааҕы бырааттыы Мординовтар ааттарын сугэр музейга, Н. Е. Мординов-Амма Аччыгыйын аатынан Харбалаах үөрэхтээһин холбоһуугун  алын сүһүөх кылаастарыгар анаан «Ытык- мааны Амма Аччыгыйа» диэн выставка буолла.

Музей үлэһитэ, Сардана Александровна олус интириэһинэйдик олоҕун, аймахтарын, дьиэ-кэргэнин, айымньыларын туһунан кэпсээтэ. Оҕолор сэҥээрэн хаартыскалары көрдүлэр, бастакы  «Ийэ» диэн хоһоон туохтан сылтаан суруллубутун, саха норуотун олоҕо тосту уларыйар кэрдии кэмин киэҥник, дириҥник хабан көрдөрөр «Сааскы кэм» курдук аатырбыт роман, музей фондатыгар 3 араас тылынан: сахалыы, нууччалыы, уонна чех тылларыгар тылбаастаммыт айымньыларын көрдүлэр.

Сааскы кэмин анал бэлиэтин илэ харахтарынан көрдүлэр.

 Итини тэҥэ Амма Аччыгыйа oҕo биллэр суруйааччыта, публицист, очеркист, литература сыанаһыта уонна тылбаасчыт буолан, сэһэн жанр сайдарыгар улахан үлэ ыытан, библиотека уонна  музей  фондаларыгар баар кинигэлэри Л.Н. Толстой «Анна Каренина», «Сэрии уонна эйэ», «Тиллии», М.А.Шолохов «Чуумпу Донун» саха­лыы тылбаастаабыт кинигэлэрин туһунан иһиттилэр.

Выставка бүтүүтэ «9 төгүл тоҕо?»айымньытын олохтоох библиотека үлэһитэ о5олорго аахтаран баран, көхтөөх ырытыы буолан ааста.

Харбалаахтаа5ы үөрэхтээһин холбоһугун саха тылын учууталлара В.С. Кривошапкина уонна В.П. Трофимова, саха норуоднай суруйааччы төрөөбүтэ 115 сылыгар аналлаах Республикатааҕы куонкурс бастыҥ үлэлэрин тумэн  » Онус «То5о?»диэн кинигэ таһааттарбыттара. Ол кинигэҕэ бииргэ төрөөбүт убайдар- эдьийдэр үлэлэрин булан аахтылар.

Оҕолор кыра саастарыттан үчүгэй сыһыаннаах буолуу туһугар үлиэхпит диэн үөрэ-көтө, эрэннэрэн бардылар.