Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» Ыйааҕыгар олоҕуран, Семен Андреевич Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.
Семен Андреевич Новгородов, саха норуот үөрэхтээһиҥҥэ сүҥкэн оруоллаах киһи, сахалыы маассабай суругу-бичиги айбыт киһи.                                                                                      Семен Новгородов үөрэнэр кэмигэр элбэхтик ааҕара, саха фольклорун хомуйар үөрэтэр. 1913 сыл ахсынньытыгар, 21 саастаах устудьуон бүтүн Россиятааҕы норуот учууталларын сийиэһигэр кыттар, дакылаат ааҕар (Краткие сведения об якутах, их школы и их право на образование), бу дакылаадыгар оҕолор сахалыы үөрэниэхтэрин сөптөөх саха национальнай оскуолатын арыйыы туһунан, сахалыы учебниктары таһаарыыны үбүлээһин наадатын эппит. Кини бастыкы сахалыы алфавит автора буолар.

Бу Күн араас үөрэх кыһаларыгар, культуура кииннэригэр төрөөбүт тылга аналлаах араас тэрээһиннэр ыытыллаллар ол курдук, скуолаларга Саха суруйаачыларын, поэттарын кытта көрсуhуулэр, араас күрэхтэр, көрүүлэр тэриллэллэр. Республика үрдүнэн саха тылыгар анаммыт араас тэрээһиннэр, көрсүhүүлэр киэҥ хабааннаахтык ыытыллаллар. Бу нэдиэлэҕэ  Ийэ тыл уонна сурук-бичик күнүн көрсө Республикабыт үрдүнэн үгэс быһыытынан сахалыы дьыктаан суруйуутугар акция ыытыллар.                                              Ол акцияҕа Харбалаахтаа5ы олохтоох бибилэтиэкэ устудьуон о5олорго уонна олохтоох дьонно, Тимофей Сметанин «Кыайбыттар ыһыахтара» диэн кэпсээниттэн суруйтарда.

            «Бастыҥтан бастыҥ суруксут» аатын ыллылар- Быгынанов А.Н., Парфенова В.А., Тистяхова А.Р., Туманов В.В., Лукин Николай, Луковцева Туйаара , Поскачин Максим, Шадрин Александр.                                                                                                                               «Бастыҥ суруксут» аатын ыллылар- Слепцова М.С., Васильев Дамир, Васильева Саша, Кандинский Антон, Семенов Данил, Ушаков Артур. Бу Күн Харбалаахтааҕы үөрэх холбоһугун устудьуоннарыгар эбиитин  төрөөбүт тылга аналлаах  тэрээһин ыытылынна.  Семен Андреевич Новгородов туһунан слайд көрдүлэр, олоҕун туһунан иһиттилэр уонна Улуу суруйааччыларбыт, өс хоһоон, тыл оонньуутун күрэххэ бэйлэрин билиилэрин тургуттан көрдүлэр.