Арассыыйаҕа Аҕа Дойдуну, Өрөспүүбүлүкэҕэ Ийэ Дойдуну көмүскээччилэр, улууска Кыайыы сылын уонна Улуу кыайыы 80 сылларыгар аналлаах  «Былатыан ыччаттара»  диэн  бэһис төгүлүн ыытыллар, улуус эдэр ыччаттын икки ардыларыгар күрэх буолан ааста.

Сыала — соруга: Ыччаттарга патриотическай тыыны иҥэрии, чөл олоҕу тарҕатыы, сомоҕолоһууну тэрийии.

Күрэх 4 түһүмэҕинэн  1) «Ааҕыы умсулҕана» 2) «Кыайыы ыһыаҕын мала- сала»  3)»Кэрэни кэрэхсээн» —  диэн хартыынаналары таайыы 4) «Түргэттэр, сымсалар» — диэн саха төрүт оонньууларыгар  илин — кэлин түсүһүүлээх буолла. Түһүмэхтэр  сорудахтара Кыайыы 80 сылыгар туһуламмыттар.

Харбалаах аатыттан Мытник Алена Александровна, Оконешников Александр Владимирович, Татаринова Людмила Андреевна «ХОК»  диэн ааттаах хамаанданан кытыннылар.

Уопсайа улуустан 7 хамаанда кытынна. Күрэх олус интириэһинэйдик, бэһиэлэйдик ааста. Эдэр ыччат элбэҕи билэн, билсэн, үөрэн- көтөн тарҕастылар.

Түмүккэ: «Күн Туллуктара» (Ытык-Күөл оҕо саадын хамаандата) — 1  миэстэни ыллылар уонна бу сылга көһө сылдьар кубок хаһаайыттара буоллулар. 2 миэстэ эдэр эрчимнээх ЖКХ уолааннара  ыллылар, «ХОК» хамаандата бочуоттаах 3 миэстэни ыллары ситистэ.