Олунньу ый 17 күнүгэр И.В. Николаев аатынан Харбалаахтааҕы норуот айымньытын дьиэтин коллектива  Ийэ тыл кунун олус сэргэхтик  ыытта. Айдарыылаах киһибит, Софья Николаевна Кулачикова — Намыл5а   кэлбит дьону сахалыы арчылаата, ал5аата. Үгэскэ кубулуйбут  «МИН ИЙЭ ТЫЛЫМ- САХА ТЫЛА»  ТОК быйыл Саха уһулуччулаах судаарыстыбаннай диэйэтэлин, суруйааччытын, учуонайын Платон Алексеевич Ойуунускай төрөөбүтэ 130 сылыгар ананна. Иилээн-са5алаан Саха Өрөспүүбүлүкэтин үтүөлээх учуутала Валентина Семеновна Кривошапкина ыытта. ТОК бастакы аҥара саха тылыгар, иккис аҥара П.А. Ойуунускай олоҕор, айар үлэтигэр ананна.  3-түү киһилээх 2 түөлбэ кытыынна: «Эрэл» түөлбэ салайааччыта Надежда Еремеевна Большакова,  «Чэчир» түөлбэ салайааччыта Дианна Егоровна Соломонова. Оонньуу олус интэриэһинэй, дириҥ ис хоһоонноох, элбэх информацияны хабан оҥоһуллубут буолан кыттааччылар да көрөөччүлэр да үлүһүйэн туран оонньоотулар, иһиттилэр. Дьүүллүүр сүбэ чилиэттэрэ- Бырааттыы Мординовтар ааттарын сүгэр музей үлэһитэ Сардаана Александровна Васильева, олохтоох библиотека сэбиэдиссэйэ Акулина Атосьевна Федорова.  2 түһүмэх тумүгүнэн 1 миэстэни (72 баалы ылан) «Чэчир» түөлбэ ылла, 2 миэстэни (64 баалы ылан) «Эрэл» түөлбэ ылла. Кыттыбыт хамаандаларга, тэрийсибит дьоҥҥо барыларыгар И.В. Николаев аатынан Харбалаахтааҕы норуот айымньытын дьиэтин үлэһиттэрэ сыаналаах призтары биэрдилэр.  Надежда уонна Аким Федоровтар  сахалыы ылбаҕай ырыалары бэлэхтээн биэчэри киэргэттилэр. Кэлбит дьон сэргэхсийэн, астынан тарҕастылар.